FJORD CADENZA PROGRAMPRESENTASJON 2020

Fjord Cadenza satsar offensivt og vil i perioden 6. – 9. august invitere til eit svært spennande festivalprogram med stor breidde og kvalitet. Her vil nokre av dei fremste norske artistane bli presentert på ei rekkje spennande scener rundt om på Sunnmøre.

 

Til trass for at store delar av kulturlivet i Norge ligg på vent grunna situasjonen knytt til Korona så klarer Fjord Cadenza å gjennomføre sin festival, sjølvsagt med begresningar og innanfor gjeldande reglar for smittevern. Sjølv med desse rammevilkåra har ein klar å setje saman eit imponerande program for festivalen i august.

 

Det borgar for kvalitet når ein har engasjert Trondheimsolistene som årets festivalorkester. Dette orkesteret er eit av dei mest kjende kvalitetsensembla i Nord-Europa. Dei har turnert i store delar av Europa, Asia, USA og Sør-Amerika, og konsertane er prega av humør, spontanitet og intensitet. På årets Fjord Cadenza vert dei å høyre både åleine men også saman med ingen ringare enn Eldbjørg Hemsing, Ole Edvard Antonsen og Elisabeth Teige.

 

Festivalen har allereie gjennom sommaren varma opp med ein spennande kyrkjeturne der ein har vitja alle dei 16 kyrkjene i nye Ålesund kommune. Magne Fremmerlid har stått i bresjen for presentasjon av alle kyrkjene og gitt musikalske smakebitar med salmar og tradisjonsmusikk der dei einskilde konsertane vert presentert som live stream kvar søndag. Den store avslutninga av denne turneen skjer den 9. august når ein vitjar den vakre kyrkja i Sandøy saman med biskop Ingeborg Midttømme og spennande artistar.

Ei nyvinning på årets festival vert utekonsert i avslappa stemning på den flotte Apalvikstølen i Skodje. Her vil eit knippe artistar med ingen ringare enn Eldbjørg Hemsing i spissen sørge for ei triveleg stund der publikum kan kose seg med musikken og servering frå grillen.

Eldbjørg Hemsing vert også mogleg å få høyre når ho saman med Trondheimsolistene presenterer kontrastfylte tilnærmingar til «De fire årstidene» i Gomerhuset på Skodje. Her vil ein kunne høyre både Vivaldi og Piazzolla sine verk med dette temaet.

 

Nytt av året er også at festivalen arrangerer operapub i Teaterfabrikken i Ålesund. Det er Magne Fremmerlid, Charlotte Fongen og Bjørnar Myhr som vil presentere operasvisker i dette trivelege lokalet i bysentrum.

 

Fjord Cadenza Intro er festivalen sitt konsept retta mot born og familiar. Under festivalen inviterer Charlotte Fongen, Øystein Salhus og Bjørnar Myhr med venner til stor allsong-konsert i idrettshallen på Gomerhuset.

 

Charlotte Fongen også sentral når ein inviterer til songskule der song-glade born og ungdommar kan melde seg på til å ta del i songtimar, gruppeundervisning og interpretasjonar.

 

Festivalen er svært glade for samarbeidet med trompetisten Ole Edvard Antonsen. På laurdagen inviterer ein til heilaftan med middag i Øygardshallen på Giske og påfølgjande solnedgangs-konsert med Ole Edvard m/band saman med Trondheimsolistene. Dersom veret tillèt det så vert dette ein spektakulær utekonsert med utsyn mot solnedgangen, men alternativt vert konserten gjennomført i den flotte Øygardshallen der ein mellom anna presenterer Ole Edvard Antonsen sine eigne komposisjonar i det spennande nye prosjektet «Aurora». 

 

Ole Edvard Antonsen vert også å høyre i eit meir klassisk program under den store avslutningskonserten på Gomerhuset. Vi kan mellom anna gle oss til duett saman med musikalsk leiar Rune Bergmann. Dette vert ein storslått konsert der ein også får høyre den spennande sopranen Elisabeth Teige saman med Trondheimsolistene.

 

Musikalsk leiar, Rune Bergmann er svært stolt og glad for at ein til trass for korona-situasjonen har klart å setje saman eit svært spennande program med ein flott miks mellom live stream og fysiske konsertar. – Årets festival vil absolutt leve opp til våre kjerneverdiar gjennom å finne samspelet mellom menneske, musikk og natur. Vi inviterer til ein festival med stor breidde og fantastisk kvalitet, melder Bergmann! Vi ønskjer velkomen til Verdas Vakraste Musikkfestival, 6. – 9. august!

1/2

KONTAKTPERSONER:

Hallgeir Øvrebust, styreleder

9157 3363 / hallgeir@fjordcadenza.com

Rune Bergmann, kunstnerisk leder

9184 8028 / rune@fjordcadenza.com