Bli frivillig i Fjord Cadenza

Frivillig

Fjord Cadenza blir ikkje til av seg sjølv. Bak kvar konsert, kvart arrangement og kvar publikumsoppleving står eit stort lag av frivillige som bidreg med tid, engasjement og godt humør.

Som frivillig blir du ein del av fellesskapet som skaper festivalen frå innsida. Du møter nye menneske, får oppleve festivalen frå kulissane og bidreg til å skape kulturopplevingar for tusenvis av publikummarar. Mange av våre frivillige kjem tilbake år etter år fordi dei finn både vennskap, meistring og sterke opplevingar gjennom festivalen.

Det er ei heilt eiga oppleving å stå bak kulissane når publikum strøymer inn, kjenne forventningane byggje seg opp før konsertstart og sjå resultatet av innsatsen når salen fyllest av musikk, latter og applaus.

Registrer deg her

Kva får du som frivillig?

  • To gratis festivalbillettar som du kan bruke sjølv eller gi bort

  • Fri inngang på alle festivalarrangement ved ledig kapasitet

  • Eiga Fjord Cadenza-t-skjorte

  • Invitasjon til kickoff og etterfest festivalen med varmmat

  • Nye bekjentskap og eit stort frivilligteam som heiar på kvarandre

Arbeidsområde

Når du registrerer deg som frivillig kan du velje opptil tre arbeidsområder i prioritert rekkefølgje. Vi prøver så langt det er mogleg å tildele alle sine førsteval, men av omsyn til festivalen sine behov kan enkelte få ei kombinasjon av fleire oppgåver.

Food (Mat og servering)

Hjelp til med matservering for frivillige, artistar, samarbeidspartnarar eller publikum. Oppgåvene kan inkludere førebuing, servering, kaffikoking, rydding og praktisk drift av serveringsområde.

Tickets & Audience (Billett og publikum)

Møt publikum ved inngangen til arrangementa. Oppgåvene omfattar billettskanning, informasjon, publikumsvertskap og hjelp til å sikre gode publikumsopplevingar.

Photo & Media

Dokumenter festivalen gjennom foto og video. Passar for deg som har erfaring eller interesse for fotografering, innhaldsproduksjon og visuell formidling.

Rigging

Bidra med opp- og nedrigg av scener, stolar, skilting, utstyr og arenaer. Dette er ei praktisk gruppe som er sentral for gjennomføringa av festivalen.

SoMe

Hjelp til med innhald på sosiale medium under festivalen. Oppgåvene kan vere foto, video, stories, publisering og dekning av arrangement.

Transport

Køyr artistar, gjester, utstyr eller personell mellom arenaer, hotell og transportknutepunkt. Førarkort er nødvendig.

Sponsor Hospitality

Ta imot og følg opp sponsorar og samarbeidspartnarar. Bidra til at gjestene våre føler seg velkomne og får ei god festivaloppleving.

Kunstutstilling

Hjelp til med vertskap og praktisk gjennomføring av festivalen sine kunstutstillingar. Oppgåvene kan inkludere publikumsmottak, informasjon og tilsyn.

Artist Hospitality

Ver med på å ta vare på artistane våre. Oppgåvene kan vere mottak, informasjon, backstage-vertskap, servering og praktisk hjelp under opphaldet deira

Praktisk informasjon

Når du er registrert som frivillig vil du få tilgang til di eiga frivilligside. Her kan du oppdatere tilgjengelegheit og personopplysningar, samt sjå tildelte vakter etter kvart som desse blir planlagde.

Vi vil gjere vårt beste for å sørgje for at alle får oppgåver innanfor sine ønskjeområde. Endeleg gruppetildeling og kontaktinformasjon til gruppeleiar blir sendt ut seinast to veker før festivalstart.

Mellom fjordar, fjell og vakker sunnmørsnatur treng vi fleire eldsjeler på laget. Vi håpar du vil vere med og skape Fjord Cadenza saman med oss.

Se frivilligvilkår her