Eldbjørg Hemsing erstattar Esther Yoo - Fjord Cadenza 2025

Fjord Cadenza kan med glede melde at den verdskjende norske fiolinisten Eldbjørg Hemsing vil være solist på festivalens konsertar neste veke, etter at Esther Yoo måtte melde avbud på grunna ei skulderskade.

Ein draumeerstattar

"Sjølv om det sjølvsagt er synd at Esther ikkje kan vere med oss, så har vi fått ein ekte draumeerstatttar," seier kunstnerisk leiar Rune Bergmann. "Eldbjørg Hemsing er ikkje berre ein av Noregs framste musikarar, men også ein internasjonalt anerkjend artist som har erobra dei største scenene i verda."

Eldbjørg Hemsing, opphavleg frå Valdres, har etablert seg som ein av dei mest ettertrakta fiolinistane på den internasjonale scenen. Ho er blitt omtalt som "breathtaking virtuosity and tenderness" (Expressen, 2024) og har bygd opp ein imponerande karriere som tek henne til dei største og mest prestisjetunge scenene i verda - frå Lincoln Center i New York, Kennedy Center i Washington og Wigmore Hall i London til Verbier Festival og det nasjonale senteret for scenekunst i Beijing. Ho har også erobra Asia med framsyningar saman med Shanghai og Hong Kong filharmoniske orkester. Og seinast forrige veke på turné med Arktisk Filharmoni til utselde konsertar i Elbfilharmonie (Hamburg) og Concertgebouw (Amsterdam)

Same program som planlagt

Konsertane på Fjord Cadenza går som planlagt med det same repertoaret, inkludert Astor Piazzollas "Årstidene", Mozart 40, og Haydn trompetkonsert i Sykkylven, men no med Eldbjørg Hemsing som solist på Piazzolla saman med TrondheimSolistene, Sjøforsvarets Musikkorps og dirigent Rune Bergmann.

"Det er fantastisk å kunne presentere ein så framståande norsk artist for vårt publikum. Eldbjørg Hemsing er ein perfekt match for festivalen vår," legg Bergmann til.

Billettinnehavarar som allereie har kjøpt billettar kan sjølsagt nytte dei same billettane til konsertane med Eldbjørg Hemsing. Og det er fortsatt ikkje for seint å kjøpe.