Program
Joseph Haydn (1732-1809)
Trompetkonsert i Ess-dur, Hob. VIIe:1
Wolfgang Amadeus Mozart (1756-1791)
Symfoni nr. 40 i g-moll, KV 550
Ástor Piazzolla (1921-1992)
Cuatro Estaciones Porteñas (Fire årstider frå Buenos Aires)
Medverkande:
Esther Yoo - fiolinsolist
Mathea Strømmegjerde - trompetsolist
Rune Bergmann - dirigent
TrondheimSolistene
Blåsarar frå Sjøforsvarets musikkorps
Vi tar med symfonikonserten til Sykkylven, og får med oss Mathea Strømmegjerde som for fyrste gong skal vere solist på Fjord Cadenza, med TrondheimSolistene og sambygding og kunstnarisk leiar Rune Bergmann som dirigent.
Opplev Haydns trompetkonsert, Mozarts dramatiske Symfoni 40 og Piazzollas lidenskapelege Fire årstider i Sykkylven kyrkje. Den internasjonalt anerkjende fiolinisten Esther Yoo l TrondheimSolistene gjennom ei musikalsk reise frå Wiens klassiske eleganse til Buenos Aires sine årstider.
Esther Yoo og TrondheimSolistene, forsterka med blåsarar frå Sjøforsvarets musikkorps og det lokale talentet Mathea Strømmegjerde, gir oss ein heilt unik kveld - eit intimt møte mellom publikum og musikk fylt med store kjensler.
Mozart skreiv sin g-moll-symfoni i ein av sine mørkaste periodar, medan Piazzolla gav Vivaldis kjende årstider eit moderne, argentinsk preg. To geni sine møte med tida - den eine æveleg, den andre revolusjonerande.
-
Esther Yoo er kåra av The Strad som "forbiletet på ein fiolin-solist i den moderne tida", og The New York Times skildra publikumsreaksjonen som "Paganini-liknande". Slike reaksjonar følgjer hennar opptredenar globalt, og den djupe uttrykksevna og dei friske tolkingane, kombinert med ein blendande imponerande teknikk, gjer henne til ein av verdas leiande fiolinistiar.
Esther samarbeider med verdas fremste orkester som New York Philharmonic, Los Angeles Philharmonic, Philharmonia Orchestra, Deutsche Radio Philharmonie og mange fleire. Ho har spelt på ikoniske stadar som Lincoln Center, Royal Albert Hall, Wigmore Hall og Concertgebouw Amsterdam, og på festivalar som Aspen Music Festival, Prague Spring Festival og BBC Proms. Ho jobbar med dirigentlegender som Gustavo Dudamel, Esa-Pekka Salonen, Vladimir Ashkenazy og Jaap Van Zweden.
I 2024/25-sesongen debuterer ho med Baltimore Symphony Orchestra, Calgary Philharmonic og Shanghai Symphony Orchestra, i tillegg til Fjord Cadenza.
-
Mathea Strømmegjerde (27) oppvokst i Sykkylven, gleder seg til å fremføre Haydns trompetkonsert. Hun er utdannet ved Norges musikkhøgskole i Oslo og bor nå i Trondheim, hvor hun vikarierer Luftforsvarets musikkorps – en jobb som både utfordrer og inspirerer. Å få fremføre Haydns trompetkonsert, et verk hun har hatt et nært forhold til i mange år, sammen med Trondheimsolistene, Sjøforsvaret og Rune Bergmann – og attpåtil på hjemmebane – føles både stort, rørende og motiverende, seier ho sjølv.
-
Vår kunstnariske leiar Rune Bergmann -
Han har no heile verda som sin arbeidsplass, og er ein av vår tids mest prominente dirigentar. Rune har vore sjefsdirigent i mellom anna Szczecin, Argovia og Calgary dei siste åra. Han har dirigert eit tital av dei største orkestra både i Europa og USA og arbeider dagleg med dei største solistane på den klassiske stjernehimmelen. Bergmann har i tillegg vore engasjert ved fleire universitet som gjesteprofessor.
Ein dynamisk og fleksibel dirigent med eit omfangsrikt utval innan klassisk, romantisk, opera og samtidsmusikk. Same kva slags musikalsk stilart som vert framført, er orkestera si tyding alltid energisk og engasjerande under leiing av Rune Bergmann. -
TRONDHEIMSOLISTENE
Det heile starta i 1988 med musikkprofessor Bjarne Fiskum frå Trondheim. Hans evne til å finne talentfulle unge musikarar og gi dei ferdigheiter til å prestere på sitt beste, blei drivkrafta bak ensemblets tidlege suksess. Øyvind Gimse vidareførte jobben som kunstnarisk leiar og skapte spennande og nyskapande prosjekt. Ensemblet blei snart kjent for energi og varme - på den første utanlandsturneen ville ikkje London-publikummet slutte å klappe.
TrondheimSolistene blei profesjonelle, men ungdomsånda heldt seg, og studentmusikarar blei ein del av grunnlaget deira. Store samarbeid følgde - Anne-Sophie Mutter søkte ut energien og gløden deira, og mange andre fann inspirasjon i openheita og følsemda deira.
Geir Inge Lotsberg, kunstnarisk leiar sidan 2017, innførte ny grundigheit i ensemblet og tok dei ned ukjende musikalske stiar. Som kunstnarisk partner brakte den dynamiske cellisten Alisa Weilerstein nye dimensjonar til lyd og tankesett. Siden 2024 er det Guro Kleven Hagen som er kunstnarisk leiar for ensemblet.
TrondheimSolistene er anerkjende for å representere kammermusikk på høgaste nivå. Det som gjer dei unike er at Trondheim alltid skin gjennom - den nære tilknytinga til byen, naturen og Noregs skiftande årstider er nøyaktig det ein høyrer i den umiskjennelege Trondheim-lyden: ein autentisk, ærleg og oppkvikkande framføring.
SJØFORSVARETS MUSIKKORPS
Det bergensbaserte profesjonelle ensemblet Sjøforsvarets musikkorps har etter kvart blitt ein viktig del av Fjord Cadenza sine storskala produksjonar, med både eigne konsertar og konsertar saman med profilar som Odd Nordstoga, Anneli Drecker og Magne Furuholmen.
Sjøforsvarets musikkorps er eitt av fem profesjonelle musikkorps i Forsvaret. Ensemblet er særs dynamisk og held konsertar over heile Vestlandet, i tillegg til å løyse seremonielle oppdrag for Forsvaret.
Korpset har særleg utmerka seg innan ny musikk, mellom anna med kritikarhylla musikkalbum, festivaldeltakingar og urframføringar – og ikkje minst utneminga som årets utøvar av Norsk Komponistforening i 2008.